Од страна на Европската комисија во Извештајот1 за Северна Македонија за 2023 г. периодот беше карактеристичен поради почетокот на процесот на пристапни преговори со ЕУ, вклучително и по скрининг-процесот. Беше истакнато дека во годината политичката состојба и понатаму беше поларизирана, што влијаеше врз соодветното функционирање на демократските институции. Северна Македонија продолжи со напорите за зајакнување на демократијата, а истовремено се соочи со значителни предизвици во областа на владеењето на правото. Констатирано е дека споделувањето административни податоци треба да се прошири и податоците треба да се поедностават со цел подобро да се информира за процесот на креирање политики и новото законодавство. Посочена е неопходност во иднина Владата да ги зголеми своите напори за вклучување на граѓанското општество во приоритетните области и во консултативните активности, со цел граѓанските организации да имаат важна улога во реформскиот процес и да бидат вклучени во процесите на донесување одлуки.
Овoj документ е подготвен од Фондацијата „Метаморфозис“ во рамки на проект финансиран од Националната фондација за демократија (NED) и и Фондација Отворено општество – Македонија. Ставовите и мислењата наведени во овој документ ги претставуваат мислењата на Фондацијата „Метаморфозис“ и тие не ги одразуваат ставовите на донаторот.
