Владимир Лазовски работи во граѓанскиот сектор и како консултант од 1999 година. Во фокусот на неговата работа е унапредувањето на социјалната инклузија и човековите и граѓанските права на маргинализираните групи, особено на лицата со попреченост, Ромите и децата.

Од 2017 до 2022 година, Владимир е координатор за деинституционализација во Министерството за труд и социјална политика. Во периодот 2009-2016 година е извршен директор на Здружението за асистивна технологија „Отворете ги прозорците“, а претходно раководи проекти за повеќе македонски и странски организации. Неговото искуство вклучува едногодишна работа во хуманитарна мисија во Дарфур, Судан, како и консултантски ангажмани во земјава и во странство, поврзани со стратегиско планирање и менаџмент, истражувања, анализи, развој и следење на јавни политики, обуки и сл.

Лазовски е дипломиран бизнис менаџер и моментално работи како регионален експерт за деинституционализација при СОС Детско село.