ANALIZË: Numri i studentëve po zvogëlohet – për pesë vite akademike numri i “brucoshëve” është zvogëluar për 5,600! (Infografik)

 

 

Pesë vite akademike me radhë – zvogëlim i numrit të studentëve në Maqedoni. Analiza e të dhënave të bëra nga Portalb.mk tregon se herën e fundit që ka pasur një rritje të lehtë të numrit të përgjithshëm të studentëve ka qenë në vitin akademik 2014/2015, dhe që atëherë ka rënie. Mirëpo, statistikat tregojnë edhe një trend tjetër negativ – numri i të diplomuarve është në rënie, por edhe numri i të diplomuarve me tituj më të lartë arsimorë.

Rënie e numrit të studentëve, të diplomuarve, doktorëve të shkencave…

“Po, është e vërtetë se numri i studentëve në vend ka ardhur duke u zvogëluar vitet e fundit. Arsyeja, sigurisht, nuk është interesi i zvogëluar për të vazhduar arsimi, por “murtaja e bardhë” që tashmë e ka infektuar edhe arsimin e lartë. Gjithnjë e më shpesh përballemi me situata kur studentët largohen nga vendi gjatë studimeve dhe i lënë studimet, thjesht e vazhdojnë jetën e tyre jashtë vendit. Jo vetëm që numri i studentëve të regjistruar po zvogëlohet, por tashmë jemi duke u përballur me një rënie të numrit të studentëve të sapo regjistruar – shpjegon një profesor universitar në një nga fakultetet e shkencave natyrore, duke këmbëngulur se ulja e numrit të studentëve është pasojë e drejtpërdrejtë e “ikjes së trurit”.

Vitin e kaluar akademik 2020/2021 në të gjitha institucionet e arsimit të lartë në vend kishte 50,881 studentë, që është për 1,7% më pak se numri i studentëve të regjistruar në vitin akademik 2019/2020.

Nga numri i përgjithshëm i studentëve në vitin akademik 2021/2021, 42,631 kanë studiuar në institucionet shtetërore të arsimit të lartë, ndërsa 7,905 kanë studiuar në institucionet private të arsimit të lartë. Shumica, ose 22,489 kanë studiuar në Universitetin “Shën Kirili dhe Metodi ”- Shkup, 3,485 në Universitetin“ Shën Klimenti i Ohrit” – Manastir, 307 në Universitetin e TI – Ohër, 7,631 në Universitetin e Tetovës dhe 60 studentë në Fakultetin e Fesë.

Në vitin akademik 2020/2021, krahasuar me vitin akademik 2019/2020, jo vetëm që u regjistrua një rënie në numrin e përgjithshëm të studentëve, por edhe një rënie në numrin e studentëve të regjistruar në vitin e parë të studimeve për pothuajse 1,400 studentë. Analiza krahasuese tregon se nga viti akademik 2015/2016 numri i studentëve të regjistruar në vitin e parë (duke i përfshirë studentët të cilët pas e regjistrojnë vitin e parë për herë të dytë, të tretë dhe më shumë) është zvogëluar për 5,587 studentë.

Shkencat mjekësore, ekonomike dhe juridike mbeten edhe më tej fushat më tërheqëse shkencore për studentët e rinj – me numrin më të madh të “brucoshëve” të regjistruar.

Po zvogëlohet numri i studentëve të regjistruar, e po ashtu edhe numri i të diplomuarve. Vitin e kaluar në të gjithë institucionet e arsimit të lartë, shtetëror dhe privat, në vend u diplomuan 6,907 studentë, që është për 12,3% më pak krahasuar me vitin 2019. Në vitin 2019, krahasuar me vitin 2018, numri i të diplomuarve është rritur për 2,2%.

Në vitin 2020, ka një rënie të numrit të magjistrave dhe të specialistëve – vitin e kaluar këtë titull e fituan 1,758 persona, që është për 8.2% më pak krahasuar me vitin 2019. Duke ndjekur trendin e regjistruar të uljes së numrit të studentëve, magjistrave, specialistëve, statistikat, siç pritej, regjistruan një rënie të ndjeshme edhe të numrit të “doktorëve të shkencës”. Në vitin 2020, këtë titull prestigjioz e fituan 174 persona, që është për 14.7% më pak se në vitin 2019. Të gjitha këto tendenca janë pasojë e problemit demografik me të cilin po përballemi për më shumë se një dekadë – emigrimi, veçanërisht i të rinjve që perspektivën personale dhe profesionale e shohin dhe e kërkojnë jashtë vendit.

Ndaje:


                  
meta tim sliki-02.jpg

ANALIZË:

Numri

i

studentëve

po

zvogëlohet

për

pesë

vite

akademike

numri

i

“brucoshëve”

është

zvogëluar

për

5,600!

(Infografik)

Tekste të tjera në blog

"RMV, certifikata elektronike e lindjes “nyjë gordiane” për institucionet arsimore, noterët dhe bankat" - Portalb.mk

05.01.2022

Certifikatë e lindjes, foto Pixabay, përpunuar nga Portalb.mk Institucionet arsimore, bankat dhe noterët janë të pasigurt dhe nuk janë të informuar sa duhet nëse duhet të pranojnë një certifikatë të lindjes të lëshuar në mënyrë elektronike, shkruan Meta.mk, transmeton Portalb.mk. Megjithëse marrja e një certifikate nga Drejtoria për Udhëheqjen e Librave Amë (DULA) në mënyrë […]

Samiti për Demokraci erdhi në momentin e duhur, tani nevojiten vepra

13.12.2021

Ajo që është shumë me rëndësi, për shumë vende, por sidomos për ne që jetojmë në vendet e Ballkanit, ku pritjet dhe shpresa nga demokracia ishin dhe janë ende të mëdha, edhe pse korrupsioni dhe mos-sundimi i ligjit e bren gradualisht këtë shpresë, është se ky Samit si platformë për dialog global të mos mbetet […]

Të dhënat e hapura – kur oferta dhe kërkesa takohen në gjysmë të rrugës

24.11.2021

Koncepti i të dhënave të hapura mbështetet në parimin e qasjes së hapur, duke i shërbyer të mirës publike përmes fuqizimit të qytetarëve, duke nxitur zhvillimin e biznesit dhe duke informuar zhvillimin social. Në Maqedoninë e Veriut, koncepti i të dhënave të hapura u prezantua dhe u promovua me anëtarësimin e vendit në Partneritetin për […]

VMA, IA dhe të drejtat e njeriut: a e respekton algoritmi juaj privatësinë?

23.11.2021

Goce Arsovski

E-Pjesëmarrja: Perspektiva rajonale - veprime lokale

23.11.2021

Inovacionet digjitale e transformojnë rrënjësisht vendimmarrjen demokratike dhe pjesëmarrjen e qytetarëve në ndryshimet shoqërore. Si dëshmitarë të pandemisë globale Kovid-19, mund të shohim se si administratat publike në rajon dhe BE, në mënyrë të planifikuar ose sporadike, po eksperimentojnë gjithnjë e më shumë me krijimin e platformave në internet ose mjeteve digjitale për t’u mundësuar […]

"Digjitalizimi në RMV, ka disa hapa që duhet të ndërmarrin qytetarët për të fituar certifikatë elektronike" - Portalb

05.11.2021

Certifikatë e lindjes, foto Pixabay, përpunuar nga Portalb.mk Nxjerrja e dokumenteve me prani fizike, pra në sportele, u harxhon njerëzve kohë, para dhe nerva. Këtë më së miri e treguam në hulumtimet tona ku për një certifikatë të lindjes, i cili mund të nxirret për 5 minuta, pritëm një javë, si rezultat i mungesës së […]