Метаморфозис на Неделата за приватност: „Изберете приватност – Улогата на личните податоци во глобалната изборна година“

Метаморфозис беше дел од четвртата годишна конференција „Недела на приватност“ организирана од Партнери за демократски промени Србија во Белград, со цел да се одбележи Меѓународниот ден на заштита на личните податоци. Настанот беше организиран за да се зголеми свеста на јавноста за различните прашања со кои се соочува правото на приватност на граѓаните, како да се брани правото на приватност на граѓаните и да се покренат поголеми дискусии за состојбата на заштитата на приватноста во Србија и на глобално ниво. Неделата на приватност им дава на јавните службеници, граѓанското општество, приватниот сектор и јавниот простор да разговараат, да го зголемат меѓусебното разбирање и да иницираат промени. Целта на Неделата на приватност е да даде преглед на постигнатите стандарди и проблеми во имплементацијата на постојната законска рамка за приватност и заштита на личните податоци, како и да предложи решенија кои можат да помогнат за подобрување на моменталната состојба во оваа област. Секоја година, Неделата на приватност се фокусира на употребата на новите технологии и меѓународните трендови кои имаат влијание врз остварувањето и заштитата на правото на приватност. Неделата на приватност се организира како хибриден настан со можност за учество во живо, лично или онлајн.

Воведниот панел насловен „Изберете приватност – Улогата на личните податоци во глобалната изборна година“, собра релевантни експерти од регионот на Западен Балкан и пошироко, меѓу кои: Ѓорѓе Бојовиќ, советник за Западен Балкан, Европски парламент, Тијана Цвјетиќанин, програмски директор на ГО “Зошто да не?” (Босна и Херцеговина), Ангела Трајиќ, член на правниот тим во ЦРТА (Србија), Горан Ризаов, програмски менаџер за медиуми и демократија, Фондација Метаморфозис (Северна Македонија) и Монтсерат Легорета, програмски соработник во Иницијативата за глобална мрежа.

Ризаов говореше за заканите од deepfake аудио и видео материјали во контекст на промена на перцепцијата на јавноста во изборните кампањи и важноста на образованието од најмала возраст како и постојаните напори за подобрување на медиумската писменост на населението. Тој, исто така, се осврна на важноста на улогата на дезинформациите во изборниот процес. Ризаов понатаму повика на регионален пристап во решавањето на ова прашање бидејќи поединечно сме мали, но заедно можеме да се соочиме со големите технолошки компании за подобра заштита на приватноста.