“Порталб: Кои чекори треба да ги преземете за да добиете електронски извод” – Мета.мк Новинска агенција

Издавањето документи со физичко присуство, односно на шалтерите, ги чини луѓето време, пари и нерви. Тоа покажа истражувањето на Порталб каде за извод од матичната книга на родени, кој може да се извади за 5 минути, се чекаше една недела, како резултат на неефикасноста на администрацијата. Несомнено, дигитализацијата е решение за да се стави крај на талкањето од еден шалтер на друг. Затоа, новинарите на Порталб направија тест како можат по електронски пат да дојдат до изводот од Матичната книга на родените, пишува Порталб.мк.

Управата за водење на матичните книги (УВМК) има електронски портал преку кој може да се вадат електронски документи преку интернет, односно преку компјутер или мобилен телефон. Оваа Управа обезбедува вкупно 13 услуги, односно 13 документи со физичко присуство, но само 4 од нив може да се издаваат и по електронски пат, и тоа: извод од книгата на родените, извод од книгата на умрените, извод од книгата на венчаните и извод за слободна брачна состојба.

Најпрво, за да добиете документ од системот, треба да се најавите на електронскиот систем на УВМК. Најавата се прави преку корисничката сметка на системот на УВМК и корисничката сметка од Националниот портал за услуги.

Системот е само на македонски јазик, и има 3 категории, односно „Почетна“; „Мои нарачки“ и „Ценовник“.

Во првата категорија се поставени документите што може да се извадат, додека во втората може да се пополни формуларот за добивање на документот.

Формуларот е едноставен, во 5 чекори, со неколку кликања, за не повеќе од 5 минути, можете да го пополните и да го поднесете електронски. Исто така може да наведете на каков начин сакате да го добиете документот – по пошта или преку мејл.

Во првиот чекор се избира видот на изводот, основните податоци на барателот, кои автоматски се генерираат од профилот на кој сте најавени, податоците за родителите, и потоа можете да одлучите како сакате да го добиете сертификатот, во просториите на УВМК (на шалтер), по пошта или сакате електронски извод. Откако ќе ја изберете саканата опција, преминувате на последниот чекор, односно плаќањето, кое во овој случај се врши преку банкарска картичка. За услугата плаќате 50 денари, 100 денари за административна такса и 10% провизија, со што вкупната цена на услугата ќе ве чини 165 денари. Исто така може да изберете изводот да го добиете во печатена форма во канцелариите на УВМК или ако сакате изводот да ви биде доставен на вашата адреса по пошта, УВМК ќе ви го испрати, но за тоа треба да платите дополнителни 50 денари, кои одат на сметката на поштата.

Откако ќе платите, автоматски добивате мејл како потврда за успешното плаќање. Ние оваа потврда ја чекавме не повеќе од 24 часа и по овој период добивме известување преку мејл дека електронскиот извод е готов и дека можеме да го „симнеме“ од нашиот профил на системот на УВМК.

Како што може да се види, изводот ги содржи сите податоци како и изводот што се добива на хартија. Постои код или линк преку кој може да се потврди автентичноста на овој документ.

Ние го потврдивме линкот и тој е валиден.

На крајот, кај местото на логото на Управата пишува дека „Изводот од матичната книга е јавна исправа со неограничен рок на важење. За настанатите дополнителни промени во граѓанскиот статус кои не се евидентирани во овој извод, одговорно е лицето кој истиот го користи како доказ“.

Исто така пишува и дека „овој документ е официјално потврден со електронски печат и електронски временски жиг. Автентичноста на печатените копии од овој документ може да бидат електронски верификувана“.

Може да се каже дека системот е целосно функционален, иако може да се издаваат само ограничен број документи. Постапката е едноставна, брза и ефикасна. Сѐ се прави на интернет, а и документот се добива преку интернет.

Сепак, во следната сторија ќе објасниме дали овој електронски документ е употреблив во државните институции или правните лица (банките), со оглед на тоа што не сите институции се меѓусебно дигитално поврзани.

Дигитализацијата на услугите несомнено е од корист и во интерес на граѓаните, на државата, но исто така и неопходна за таму каде што целиме да се интегрираме – ЕУ.

Нашите претходни истражувања докажаа и покажаа дека резултатите од извештаите, анализите или анкетите на меѓународните или домашните институции, но и на невладините организации, за администрацијата на Северна Македонија не се само критика на хартија, туку сериозен проблем во секојдневниот живот на граѓаните кои талкaат низ шалтери за одреден документ.

Во претходната истражувачка сторија, покажавме дека незаконски е да се бара од граѓаните на РСМ да плаќаат за нови изводи не постари од шест месеци. По сторијата на Порталб.мк Управата за водење на матичните книги (УВМК) информира дека одлучила да не бара изводи од матичната книга на родените не постари од шест месеци. Со новата одлука граѓаните кои сакаат да се венчаат УВМК нема веќе да ги обврзува да извадат нови изводи, туку матичарот ќе ги проверува податоците од изводите. Доколку граѓаните воопшто немаат изводи ќе се венчаат само со документ за лична идентификација, а матичарот ќе им ги извади изводите.

Оваа истражувачка сторија е изготвена како дел од проектот Зголемување на граѓанското учество во Дигиталната агенда – ИЦЕДА, ко-финансиран од Европската Унија и спроведуван од Фондацијата Метаморфозис (Северна Македонија), Академија за е-владееење (Естонија), Levizja Mjaft! (Албанија), ЦРТА- Центар на истражување, транспарентност и отчетност (Србија), НВО 35мм (Црна Гора) и ODK – Oтворени податоци Косово (Косово).

Оваа истражувачка сторија е изготвена со финансиска поддршка од Европската Унија. Содржината од оваа истражувачка сторија е единствена одговорност на Фондација Метаморфозис и авторот и на ниеден начин не ги одразува ставовите на Европската Унија.

Линк до оргиналната објава: https://meta.mk/portalb-koi-chekori-treba-da-gi-prezemete-za-da-dobiete-elektronski-izvod/

Сподели:

29349
meta tim sliki-02.jpg

ICEDA

Останати блог текстови

Изборно рекламирање и социјална инклузија: Медиумите треба да ги разобличат стереотипите, а не да ги репродуцираат

29.01.2025

Наместо да се претстават како активни учесници во општеството, маргинализираните групи од политичките актери се портретирани како жртви или лица кои имаат потреба од помош. Дополнително, медиумите ретко ги преиспитуваат политичките наративи, што доведува до репродукција на стереотипи. Недостатокот на капацитети и знаења за инклузивно информирање само ја влошува состојбата. прод. д-р Марина Тунева Социјалната […]

Татјана Хилшер-Богусевич: Властите да најдат поефикасни законски решенија за демократски избори, не треба да се занемарува застапеноста на жените

30.12.2024

Татјана Хилшер-Богусевич. Фотографија од Порталб За време на организирањето на демократски избори, еден од предизвиците со кои се соочуваат земјите кои имаат релативно нов демократски режим, особено земјите кои излегоа од комунистичкиот режим, е недостатокот на јасни надлежности и доволно ресурси на институциите за управување со изборите. Културата на воведување нецелосни измени на изборните закони […]

Д-р Сем Пауер: Парите во политиката се како вода, течат неконтролирано

03.12.2024

Парите во политиката се како вода, течат неконтролирано, можете да поставите брани, но тие ќе најдат пат околу браните и ќе дотечат онаму каде што нема препреки. Слично е и со парите за интернет порталите во изборните кампањи, поточно ако не е регулирано има проблем. Не постои држава навистина, каде било, која има контрола, дали […]

Пари за портали во изборна кампања – не се знае кој пишува, ама се знае кој плаќа

07.11.2024

Во второто истражување ја објавуваме базата на податоци со сите 150 интернет портали кои добиле државни пари од парламентарните избори, заедно со податоците за тоа која коалиција дала пари на секој од нив поединечно Фото: Колаж, Мета.мк Од вкупно 150 интернет портали кои добиле државни пари за рекламирање на партиските коалиции за парламентарните избори во […]

Ниско присуство на жените во медиумското покривање на парламентарните избори

30.10.2024

Присутноста на жените и родовите прашања во медиумското известување и во платеното политичко рекламирање за време на овогодишните парламентарни избори беа темите дискутирани на панел-дискусијата водена од Билјана Бејкова и Татјана Богусевич, во рамки на конференцијата „Пари, медиуми и избори во Северна Македонија“. Според најновото истражување на Фондација Метаморфозис, во коe беше спроведен мониторинг на […]

Истражување на Метаморфозис: Колку повеќе државни пари за порталите од една коалиција, толку помала непристрасност

30.10.2024

Распределбата на рекламните банери произлезе дека е политички мотивирана, и во одредени случаи партиите даваа предност на информативните интернет портали кои нудеа позитивно уредничко покривање на кампањата. Тоа укажува на стратешки пристап на партиите во насока на подобрување на нивната видливост и влијание врз јавната перцепција преку поволни медиумски написи, се вели во истражувањето на […]