Главна цел на проектот
Откривање на странско малигно влијание на Западен Балкан преку разоткривање и мапирање на протокот на дезинформации и пропаганда што потекнуваат од надворешни актери низ регионот.
Специфични цели
- Зголемување на капацитетот на новинарите и медиумите да идентификуваат, документираат, известуваат и разоткриваат странски малигни влијанија;
- Едуцирање на јавноста за природата и ефектите на дезинформациите под влијание на надворешни актери;
- Залагање за зголемена јавна дебата и зголеме интерес за конструктивни политички мерки
- Развивање модел за справување со дезинформации од странски малигни извори
Целни групи
- Општата јавност како група која е најпогодена од странските малигни влијанија;
- Национални и регионални редакции и новинари;
- Граѓански организации
- Јавни/државни институции вклучени во борбата против малигните странски влијанија.
Очекувани резултати
- Зголемена свест и јавно знаење за дезинформационите екосистеми во Западен Балкан, преку обезбедување инфраструктура за рано предупредување, заснована на податоци.
- Производство на информативни и едукативни медиумски содржини за разоткривање дезинформации врз основа на иновативна методологија заснована на податоци за идентификување, следење и изложување на странски малигни влијанија.
- Создавање повеќестрана мрежа составена од претставници од граѓанско општество и медиумски организации, вклучително и проверки на факти и вести, тинк-тенк и други заинтересирани чинители, која служи како платформа за заедничко медиумско покривање, следење на медиумите и градење капацитети.
- Современ модел за справување со дезинформации, базиран на методологија за препознавање и известување за странско малигно влијание во регионот на Западен Балкан (Северна Македонија, Србија, Црна Гора, Албанија, Босна и Херцеговина, Косово) применлив надвор од регионот каде што е развиен, особено на места каде таквото токсично влијание не добива соодветно внимание од страна на медиумите и политичкиот врв.
Проектни активности
- Развој на регионална инфраструктура заснована на податоци за рано предупредување која ќе служи за спречување на штетното влијание во регионот од кампањи за дезинформации кои потекнуваат од странски актери.
- Watchdog journalism – производство на висококвалитетни новинарски содржини во вид на рецензии, анализи и истражувачки стории.
- Истражување фокусирано на мапирање, документирање и објаснување на местата на малигно странско влијание во секоја земја и ЗБ како целина. Собирање и анализа на податоци што ќе резултира со создавање инфраструктура за рано предупредување управувана од податоци, фокусирана околу базата на податоци.
- Јавно информирање и застапување – ангажирање на општата публика и зголемување на свеста преку промотивна кампања за едукација на јавноста и информирање преку социјалните медиуми; придонесување за промена на политиката преку консултации за застапување и јавни настани на кои се собираат релевантните засегнати страни за да се зголеми нивната свест и ангажман во јавната дебата за малигните странски влијанија.
Времетраење на проектот: 3,5 години (42 месеци)
Финансиска поддршка: Кралство Холандија
Партнери на проектот – членови на основната мрежа:
Фондацијата Метаморфозис (водечка организација) од Северна Македонија, основач на сервисот за проверка на факти, Вистиномер (Truthmeter на англиски, Vertetemates на албански), Новинска агенција Мета.мк и портал за вести на албански јазик Portalb.mk;
Центар за меѓународни и безбедносни прашања ISAC, тинк-тенк од Србија
Зашто не (Why not) од Босна и Херцеговина, основач на сервисите за проверка на факти Istinomjer.ba и Raskrinkavanje.ba (fcs)
Центар за демократска транзиција од Црна Гора, основач на сервисот за проверка на факти Raskrinkavanje.me (fcs)
Faktoje.al, сервис за проверка на факти од Албанија
Sbunker.net, Медиумска издавачка организација од Косово
