Што е програмата за дигитален активизам?
Ширум светот, ширењето на дезинформации е во пораст. Стратешката употреба на онлајн дезинформациите ја поткопуваат демократијата и ги поларизираат општествата.
Додека начините за борба против дезинформациите во моментов се тренд во медиумите, постојните тактики првенствено се насочени кон проверувачите на факти и новинарите, оставајќи го граѓанското општество само на себе.
Од 2018 година, Програмата за дигитален активизам на TechSoup Network има за цел да обезбеди повеќеслојна поддршка за граѓанските организации (ГО) и нивниот персонал во Централна и Источна Европа (ЦИЕ), Латинска Америка и Западна Африка. Во областа на спротивставување на дезинформациите, програмата се стреми да го зголеми нивното разбирање за прашањата поврзани со директните закани од дезинформации преку истражување, да го зајакне нивниот капацитет за справување со дезинформации, да ги зајакне нивните знаења и вмреженост во непрофитна мрежа.
Ние веруваме дека не може да се постигне напредок без пристап до технологија. Во рамките на активностите на Програмата за дигитален активизам, на граѓанските организации им се овозможува пристап до обуки и работилници, индивидуални консултации, настани во заедницата, мали грантови и пристап до технолошки решенија или алатки кои ќе им помогнат да дизајнираат ефективни кампањи за одговор кон дезинформациите.
Проектот е поддржан од Google.org и предводен од TechSoup, во тесна соработка со партнерите на TechSoup Network.
