Главна цел на проектот
Интегрирање на Системот за управување со погрешни информации и дезинформации во работењето на државните институции, Министерството за здравство и неговите помошни институции и обезбедување поддршка на истите да го користат поефикасно при адресирање на потребите на граѓаните.
Целни групи
- Здравствени работници
- Новинари
Очекувани резултати
- Воспоставена платформа за социјално слушање и евиденција на гласини фокусирани на имунизација;
- Воспоставено Владино експертско тело за анализа на извештаите што ќе произлезат од Системот за управување со погрешни информации и дезинформации и развивање на препораки за понатамошни активности за справување со дезинформациите поврзани со вакцинацијата во земјата;
- Изградени капацитети за медиумско известување на тема имунизација.
Проектни активности
- Воспоставување на платформа за онлајн и офлајн социјално слушање (Misinformation Management System – MMS);
- Обука на претставници од здравствените институции за имплементација на СОП;
- Ангажирање на комуникациски специјалисти за работа со експертското тело во подготовка на годишниот план и други документи што произлегуваат од Стратегијата за воспоставување Систем за управување со погрешните информации околу вакцинацијата во Северна Македонија и трите СОП;
- Месечни координативни состаноци на Проектното експертско работно тело;
- Состаноци со донесувачите на одлуки за усвојување на Стратегијата за воспоставување Систем за управување со погрешните информации околу вакцинацијата во Северна Македонија и годишниот работен план;
- Тематски брифинзи со новинари на теми идентификувани преку Системот за управување со погрешни информации и дезинформации во работењето на државните институции;
- Компаративен извештај со анализа на квалитетот на медиумското известување;
- Обука за комуникација со медиуми и проверка на факти на теми од областа здравство (Дијалози со медиумите).
Времетраење на проектот: 19 јуни 2023 – 15 јануари 2024
Финансиска поддршка: УСАИД
Партнери на проектот: УНИЦЕФ и Министерство за здравство, Институт за јавно здравје, Кабинет на Претседателот на Владата на РСМ, Вистиномер.мк, Мета.мк, Порталб.мк и мрежа на локални медиуми
