Млади кои корона кризата ја искористија за успешни бизнис приказни

Фото: Архива на Мета.мк

Во корона кризата, дел од младите видоа можност да покренат свои бизниси или пак да ги прилагодат веќе започнатите според новото нормално, кое го наметнаа рестриктивните мерки за заштита од вирусот.

Приказните кои за „Мета.мк“ ги раскажаа претприемачите од Битола Теона Манго, Горан Бакревски и Дарко Милевски, се пример дека, има и такви млади кои креативно и позитивно се справија со кризата.

Теона Манго основач на брендот Beyond Green

Теона Манго е основач на брендот Beyond Green кој е еко френдли и одржлив бренд основан во 2020 година. Производите се направени од еколошки и одржливи материјали, а идејата е да се промовира еколошки и зелен начин на живот, а притоа да се намали правењето на отпад и користење на производи кои ја загадуваат животната средина.

„Живеев во Лондон до 2020 година, кога почна короната се вратив овде и останав непланирано веќе една година. Во карантин, како и сите, имав премногу време. Кога се вратив тука да живеам, забележав колку е ниска еко-свеста и колку немаме еко-одржливи производи, па така се роди идејата да започнам еко-френдли одржлив бренд. Вишок времето кое го имав, пак ми овозможи да истражувам и да најдам кои производи и кои материјали се најдобри, најодржливи,“ вели Манго и додава дека корона-кризата ги сменила и навиките на купување.

„Луѓето наместо во продавница купуваа онлајн, а мене сите производи ми беа на е-шоп,“ додава Манго.

Горан Бакревски работи како стоматолог, но оваа професија беше помеѓу првите кои беа погодени од ковид-19. Тој вели дека во првите три месеци од кризата, воопшто не работел па имал доволно време да се посвети на производство на пивото „Бак“ кое е 100 проценти природно.

Горан Бакревски, производител на пивото „Бак“

„Планови за развојот на семејната пиварница имавме и пред корона кризата, но работата ја убрзавме за време на ковид-19, бидејќи имавме доволно време. Брат ми е професор по музичко, но и тој беше дома. Во тој период активно работевме на вкусовите на пивата и подобрување на технологијата за производство. Луѓето не излегуваа, седеа дома, што беше одлична можност за тестирање на вкусовите на производите. Тогаш ја добивме поддршката од битолчани. Младите во тој период седеа на социјални мрежи каде што направивме индиректна реклама за производите,“ вели Бакревски.

Дарко Милевски е поранешен фудбалер и самата професија му налагала да внимава на исхраната. Живеел во Шведска, но се вратил во Битола каде што пред три години го отворил ресторанот „Центар“, за веганска и вегетаријанска храна. Целта, како што вели тој, била младите да се едуцираат во поглед на здравата храна но и да се вратат на старите корени, односно растителната храна да биде позастапена во начинот на исхрана.

Дарко Милевски, сопственик на 21/10 Fast&Healthy

„Кога фати корона кризата се појавија многу потешкотии и бевме затворени скоро пет месеци. Во 2020 година некако преживеавме, а во 2021 година беше важно да се продолжи. Изборот беше малку да се намалат ресурсите но да се продолжи со иста пареа. Затоа направивме ребрендинг затоа се создаде „21/10 Fast&Healthy“ што e take away за брза и здрава храна. Почнавме во мај, кога се уште постоеја рестрикции. Но ние и во такви рестрикции работевме бидејќи имавме само кујна,“ вели Милевски.

Тој додава дека корона кризата само им дала поттик да направат промена, бидејќи како што вели, сите сме тешки на промени и сме научени на конфорна зона, но ова малку ги забрзало работите. Милевски е задоволен од тоа како е прифатен од битолчани, а сака брендот да го шири и низ другите градови.

„Младите истражуваат со начинот на исхрана, и полека ги менуваат навиките,“ завршува Милевски.

Преземено од meta.mk

Сподели:


                  
meta tim sliki-02.jpg

Млади

кои

корона

кризата

ја

искористија

за

успешни

бизнис

приказни

Останати блог текстови

Грижи во поглед на приватноста во ек на дигитализацијата на Западен Балкан

18.01.2023

Дигитализацијата на јавните услуги е еден од приоритетите на земјите од Западен Балкан. Во периодот по КОВИД-19, станува уште поочигледно дека граѓаните, бизнисите и општеството треба да се дигитализираат за во целост да станат поотпорни и способни за справување со надворешни шокови и промени. Aлбанија е водечка земја во регионот кога станува збор за дигитализацијата […]

"Дигитализација во РСМ во 2022 година: Далеку се услугите со еден клик, цената за тоа ја плаќаат граѓаните" - Новинска агенција Мета.мк

05.01.2023

Фото: Илустрација: Фисник Џелили/Порталб.мк во Canva Предизвикот со кој продолжува да се соочува Северна Македонија се реформите во областа на дигитализацијата, поточно напредокот за да биде во чекор со најновите случувања за подобрување на животот на граѓаните, нудејќи им квалитетни, брзи и ефикасни услуги. Во време кога светот и западните земји секој ден се повеќе […]

„ЗОШТО Е ВАЖНА ДИГИТАЛИЗАЦИЈАТА ВО РСМ? ДАНИЛОВСКА: ПРИДОБИВКИТЕ СЕ ОГРОМНИ...“ - KDPolitik.com

22.11.2022

“Придобивките за граѓаните од користењето на електронски услуги, наместо да ги чекаат на шалтер, се бројни…” истакнува Јосифовска Даниловска. Shkruan: Enis Shaqiri Пишува: Енис Шаќири Дигитализацијата и дигиталната трансформација во последните години се меѓу главните приоритети за Владата на Република Северна Македонија и единиците на локалната самоуправа. Според анализата на Фондацијата „Фридрих Нojmан“ и „Метаморфозис“ […]

Со отворање на изложба, започна иницијативата „Проѕирниот човек“ на Гете-институтот и Фондацијата „Метаморфозис“

25.10.2022

Фото: Meta.mk. Со отворање на интерактивната изложба „What the future wants“ во Јавна соба во Скопје денеска беше означен почетокот на иницијативата „Проѕирниот човек“ која ја спроведува Гете-институтот Скопје во соработка со Фондацијата „Метаморфозис“, со цел промовирање на медиумските и информативните вештини на помладата генерација и нивната околина – родители, наставниците и сите други заинтересирани […]

Петровска од УВМК: Дигитализацијата на матичните книги се очекува да биде целосно завршена до крајот на 2023 година

03.10.2022

Кристина Петровска фото: Порталб.мк Кристина Петровска од Управата за водење на матичните книги во интервју за Порталб.мк зборува за дигитализацијата на матичните книги, сертификатите со неточни податоци, како и за електронските услуги на оваа институција. Таа вели дека до крајот на 2023 година се очекува да заврши дигитализацијата на сите матични книги. Колкав е процентот […]

Меркочи од „Доста е“: Дигитализацијата на јавните услуги во Албанија го зголеми нивниот квалитет

28.09.2022

Алдо Меркочи, фото: Фисник Џелили/Порталб.мк Современиот предизвик со кој се соочуваат земјите на Западен Балкан е дигитализацијата на јавните услуги. Албанија во споредба со другите земји од регионот води во овој процес. Дигиталната револуција на Албанија што започна во 2013 година, тогаш вклучуваше само 14 електронски услуги, додека денес опфаќа 1.225. Преведено во проценти, ова […]