Metamorphosis e-Bilten #1 – Septemvri 2006

Драги читател(к)и,
Ви посакуваме добредојде во првиот број на е-билтенот на Метаморфозис, едновремено искажувајќи благодарност за гостопримството во вашето поштенско сандаче.
Е-билтенот го дистрибуираме еднаш месечно до лица кои експлицитно изјавиле дека сакаат да примаат информации поврзани со развојот информатичкото општество по е-пошта, преку нашиот веб-сајт, личен контакт или при учество на наши настани. Во првото издание Ви претставуваме и месечни рубрики со забавни и полезни содржини. Во идните броеви, овој простор ќе биде искористен и за објавување авторски текстови од наши соработници на актуелни теми.

По повод Денот на слободниот софтвер – 16 септември , Метаморфозис подготви ЦД со слободен софтвер под наслов „Заврши си работа!“, кое содржи канцелариски и друг слободен софтвер. Меѓу другите, вклучен е и пакетот Опен офис (OpenOffice.org), на македонски и англиски јазик, како и упатство за негово користење (е-книга) на македонски јазик.

Со почит,
Филип Стојановски, програмски координатор

Вести: Македонија

• Владата предлага ново министерство за информатичка технологија (07.09.2006)
• Стапи на сила законот за слободен пристап до информации од јавен карактер (01.09.2006)
• Обука за полесен пристап до информации од јавен карактер (29.08.2006)
• Новата влада најавува компјутерско описменување за сите од 18 до 60 години (23.08.2006)

Вести: Свет

• Вашингтон Пост ги промовира блогерите (25.08.2006)
• „Слободни култури – слободен интернет“ швајцарски симпозиум за Управување со интернет (24.08.2006)
• Францускиот закон за авторски права променет од Уставниот Совет (22.08.2006)
• Европската комисија ја зајакнува политиката за заштита на податоците (21.08.2006)

Активности на Фондацијата Метаморфозис

• ЦДто со слободен софтвер „Заврши си работа“ може да се купи во продажната мрежа на весникот „Време“ по симболична цена од 50 денари, или да се нарача преку канцеларијата на Метаморфозис. Содржи англиски и локализирани верзии на програмите ОпенОфис.орг, Гимп (обработка на слики), Фајерфокс (интернет), Тандербрд (е-пошта), ПДФ-креатор, Џумла (одржување веб-сајтови), Гаим (директна комуникација)… како и 11 игри.
• Обука за Линукс и Кбабел за тимот за локализација на слободен софтвер на ромски јазик (22.08.2006)
• Три нови е-публикации од Метаморфозис, објавени пред летните одмори

Термин на месецот
Отворен пристап (Open access) се однесува на бесплатна достапност на дигитални содржини преку интернет. Најпозната и најлесно изведлива форма на отворен пристап е објавување стручно рецензирани научни трудови од академски списанија без очекување авторите да бидат платени за тоа.
(Повеќе за терминот на месецот може да се прочита на Википедија на македонски, во написот подготвен од персоналот на Метаморфозис.)

Совет на месецот
Доколку не ви се допаѓаат смешковците (емотикони, смајлија) од новата верзија на Ајсикју (ICQ), може да ги вратите старите преку менито „Main/Preferences/Skin/Appearance“. Во делот „Change your ICQ Sounds and Emoticons“, кај „emoticons“ одберете „change“, а потоа селектирајте го фолдерот „OldSmilies“.

Апликација на месецот
Snipshot.com овозможува директна обработка на слики, со опции за промена на димензиите, сечење делчиња (кроп) и ротирање, сè преку интернет.

Анкета
Во изминатиот период, анкетното прашање на веб-сајтот на Метаморфозис беше „Која програма ја користите за читање на е-пошта?“ Од вкупно 327 гласови, 37% се за Аутлук, 33% за Тандербрд, 16% користат веб-мејл, а преостанатите 14% други опции.
Новото анкетно прашање е: „Дали би купувале преку интернет?“

Препорачани линкови

• W3 Schools – упатства за уредување на код во HTML и со CSS
• DOAJ – Директориум на научни списанија со отворен пристап
• Хрчак – Хрватски портал за научни списанија
• BlogSafety.com – форум за родители, деца, тинејџери, наставници и експерти
• Microsoft: Security at Home – совети за зголемена безбедност на децата преку видео-клипови и написи

Издавач: Фондација Метаморфозис, ул. Наум Наумовски Борче 88а, 1000 Скопје. Тел. +389(0)2 3109 325, факс +389(0)2 3225 206. Е-пошта info@metamorphosis.org.mk, веб-сајт www.metamorphosis.org.mk.