За време на првиот координативен состанок кој се одржуваше од 28 до 30 јануари во ГЕМ клубот во Скопје, партнерите од ACTION VISEGRAD SEE проектот уште еднаш се сложија дека ИКТ алатките во нивните земји, без разлика дали се развиени од граѓанските организации и државата, не се доволно употребувани, а најмногу поради недостатокот на свесност и вештини.
На состанокот присуствуваа претставници од координаторите на проектот – Фондација Метаморфозис и од партнерските организации: atlatszo.hu Nonprofit Ltd. од Унгарија, ePanstwo Foundation од Полска, KohoVolit.eu од Чешка, Pontis Foundation од Словачка, Center for Democratic Transition од Црна Гора, CRTA – Center for Research, Transparency and Accountability од Србија и Citizens Association Why not? од Босна и Херцеговина.
Присутните за време на тридневниот состанок ги идентификуваа и меѓусебно споделија предизвиците и добрите практики од своите земји, заклучувајќи дека се соочуваат со слична атмосферата и општествените околности во земјите од кои доаѓаат.
Целта на ACTION VISEGRAD SEE проектот е промоција на динамично граѓанско општество кое ефективно ќе мобилизира граѓани за активно вклучување кон прашања поврзани со доброто владеење, и кое ќе влијае на политиките и процесите на донесување на одлуки на национално и регионално ниво во Западен Балкан.
The ACTION VISEGRAD SEE project is supported by the:
and the
Government of The Federal Republic of Germany
Сподели:
