Петровска од УВМК: Дигитализацијата на матичните книги се очекува да биде целосно завршена до крајот на 2023 година
Кристина Петровска од Управата за водење на матичните книги во интервју за Порталб.мк зборува за дигитализацијата на матичните книги, сертификатите со неточни податоци, како и за електронските услуги на оваа институција. Таа вели дека до крајот на 2023 година се очекува да заврши дигитализацијата на сите матични книги.
Колкав е процентот на дигитализација на матичните книги?
Дигитализацијата на матичните книги се одвива според стратешкиот план на Управата за водење на матични книги и стратешкиот план на Владата на Република Северна Македонија и се очекува до крајот на 2023 година да биде целосно завршена. Во однос на податоците, досега имаме скенирано 2,1 милион записи од матичните книги. Во тек е реализација на проектот за 2022 година со кој што до крајот на оваа година ќе бидат скенирани уште еден милион записи. Во процент тоа би изнесувало 50 отсто од книгите. Ќе бидат скенирани и достапни за матичарите во дигитална форма.
Во однос на внесот на податоци, досега имаме внесено околу 3,4 милиони податоци. До крајот на годината проектирано е да завршиме со над 4 милиони внесени податоци. Овој број варира постојано бидејќи, исто така, и матичарите тековно ги внесуваат податоците. Изразено во проценти, 70% од податоците се веќе внесени во електронскиот матичен регистар.
Во 2019 година УВМК испечатила околу 21.957 сертификати со неточни податоци, колкав е бројот на сертификати со неточни податоци за 2020 и 2021 година?
Бројот на погрешни изработени изводи е видно намален во изминатите две години. Со правилник на Управата на водење на матични книги е утврдено колкав е бројот на изводи кој што еден матичар на годишно ниво може да ги погреши. Согласно месечните извештаи кои ни ги доставуваат раководителите на подрачните одделенија на крајот на годината се изработува еден годишен извештај во кој што се сумира бројот на издадени изводи и бројот на погрешно издадени изводи, согласно соодветни методологии и доколку некој матичар има погрешено поголем број на изводи истиот се задолжува самиот тој да си ги плати. Во моментов немаме точно бројка, меѓутоа е значително намалена.
Ако државниот службеник направи грешка при внесувањето на податоците во потврдите, зошто граѓанинот треба да плати за нова потврда?
Доколку матичарот направи грешка при куцање на извод, а тоа се случувало бидејќи е жива материја, граѓанинот не го плаќа новиот извод кој што матичарот ќе му го издаде.
Колку граѓаните ги користат електронските услуги на УВМК, дали имате податоци?
Во 2021 година, бројот на корисници на нашите онлајн услуги изнесувал 28.362 и можеме да се пофалиме дека заклучно со денес, денешниот датум во 2022 година бројот на корисници е видно зголемен, повеќе од 50% и изнесува 98.086 корисници.
Засега преку електронскиот систем на УВМК може да се добијат само 4 документи, кога ќе се дигитализираат останатите услуги?
Речиси сите услуги кои Управата за водење на матични книги ги издава на граѓаните се дигитализирани, како што е на пример издавањето на интернационален електронски извод, издавањето на електронско уверение за слободна брачна состојба, онлајн пријава на новороденче, онлајн поднесување на барање за склучување на брак на терен. Тоа се некои новини во нашиот систем кои што се веќе изработени и функционални, меѓутоа истите сѐ уште не се достапни на нашиот портал и порталот на Министерството за информатичко општество и администрација „е-услуги“, поради неусогласеноста на нашиот закон за матично работење со дигиталните промени. Во процес е прилагодување на законот и по отстранување на законските пречки истите веднаш ќе бидат достапни на граѓаните преку порталот на УВМК и националниот портал „е-услуги“.
Како функционираат овие услуги, дали има проблеми некогаш?
Проблеми немаме пораади самиот факт дека бројот на корисници е зголемен за повеќе од 50% од минатата година, што значи дека нашите услуги не ги користат само нашите корисници, ова е бројка од нашиот портал, меѓутоа поголем дел од корисниците се логирани преку порталот на МИОА, националниот портал.
Интервјуираше: Фисник Џелили
Линк до оргиналната објава: Петровска од УВМК: Дигитализацијата на матичните книги се очекува да биде целосно завршена до крајот на 2023 година | Meta.mk
Сподели:
36621
Фисник
Џелили
Новинар
Останати блог текстови
Секој министер се пофали и се сликаше за проектот „Една точка за услуги“, но тој никогаш не успеа - Мета.мк Новинска агенција
28.04.2023
Колаж од посетите на владините функционери во канцелариите „Една точка за услуги” / Фото: Државни институции Канцелариите „Една точка за услуги“ кои беа отворени во Скопје, Куманово, Охрид, Битола и во Тетово со цел граѓаните да му кажат „збогум“ на чекањето на шалтерите, ќе бидат затворени и на нивно место ќе бидат отворени 333 шалтери […]
Заштита на вашиот дигитален идентитет: Важноста на „сајбер хигиената“
25.04.2023
Во денешното дигитално доба, поважно е од кога било да преземете чекори за да се заштитите од сајбер заканите. Од вируси и малициозен софтвер па сѐ до измами со фишинг и кражба на идентитет, има многу ризици кои можат да ги компромитираат вашите лични информации и да направат хаос на вашите уреди. Затоа практикувањето добра […]
Комуникација со граѓаните за дигиталната трансформација– важен придонес за премостување на јазот
24.04.2023
Дигиталната трансформација ги менува нашите животи на начини што не можевме да ги замислиме дури ни пред неколку децении. Таа донесе нови можности и предизвици и го трансформира начинот на кој живееме, работиме и комуницираме меѓусебно. Сепак, комуникацијата со граѓаните за дигиталната трансформација може да биде предизвик, особено на Западен Балкан, каде што сè уште […]
Институциите како причина за нарушувања на приватноста во медиумите
19.04.2023
Дури и ако надлежните државни органи откријат приватни податоци на сторител или жртвата, медиумите не смеат да ги пренесуваат тие информации. Грешка од страна на државните органи не значи „дозвола“ за прекршување на етичките начела на професијата. Ова го вели Етичкиот кодекс на српските новинари, но медиумската практика често е сосема поинаква. Зошто е тоа […]
„АДА“, дигиталниот асистент базиран на вештачка интелигенција кој ќе им дава информации на граѓаните за државната помош - Мета.мк Новинска агенција
10.04.2023
Дигиталниот асистент „АДА“; Фото: Влада на РСМ Инвеститорите и граѓаните ќе можат да добиваат информации за програмите за државна помош на Владата на РСМ преку првиот дигитален асистент „АДА“ кој е базиран на вештачка интелигенција. Вака информираат од Кабинетот на вицепремиерот за економски прашања Фатмир Битиќи и Фондот за иновации и технолошки развој (ФИТР), по […]
Употребата на вештачката интелигенција во државните институции е корисна, но опасна е ако се злоупотреби - Мета.мк Новинска агенција
09.04.2023
Фото: Pixabay.com Користењето на вештачката интелигенција во јавниот сектор би помогнало да се зголеми квалитетот на услугите, да се заштеди времето и парите на граѓаните, но и да се спречи корупцијата. Меѓутоа, ако вештачката интелигенција се користи нетранспарентно, последиците ги надминуваат придобивките. Ова го велат експертите за влијанието на вештачката интелигенција доколку се користи од […]
