Si pjesë e Ditëve ndërkombëtare për aksion që mbahen prej 26 deri më 29 shtator 2014, sot në klubin GEM në Shkup, me fillim në orën 11:00, Metamorfozis organizoi një ngjarje. Ngjarja kishte për qëllim te ngrejë vetëdijen publike për temat e mbikëqyrjes, kontrollit, lirisë së të shprehurit në internet dhe mbrojtjes së të drejtave të njeriut.
Filip Stojanovski, koordinator programor në Metamorfozis, i prezantoi kërkesat e lëvizjes “Liri në vend të frikës”, e pastaj u zhvillua një diskutim me ç’rast të pranishmit shkëmbyen përvoja dhe qëndrime. Në kuadër të diskutimit, Biljana Vollçeska, përfaqësuese e Drejtorisë për mbrojtjen e të dhënave personale, i prezantoi përvojat e tyre institucionale, kornizën ligjore dhe praktikën në temën e të drejtës për privatësi.
Në ngjarje ishin të pranishëm përfaqësues nga institucionet publike, sektori joqeveritar dhe aktivistë qytetarë. Kjo ngjarje ishte njëra nga një seri ngjarjesh që mbahen anembanë Evropës gjatë këtyre 4 ditëve. Për ngjarjet tjera mund të mësoni më tepër nëpërmjet linkut: www.freedomnotfear.org.
Ndaje:
