Какви можности нуди дигитализацијата на образованието и до каде е стигната дигиталната трансфoрмација на образовниот систем во земјава? Какви електронски алатки и услуги се користат во средно, а какви во високото образование? Дали наставниците, учениците, но и родителите воопшто се подготвени за дигитална трансформација на образованието? Има ли државата стратегија и кои се најголемите предизвици со кои се соочува системот кога во прашање е дигитализирање на образовните услуги и програми?
Ова се дел од прашањата на кои ќе се обидеме да дадеме одговор на дебатата за млади „Дигитализација во образованието“ што на 16 март (четврток) ќе се одржи во Јавна соба во Скопје, со почеток од 18:00 часот.
Говорници на настанот ќе бидат:
– Христина Спасевска, проректорка за настава на Универзитетот „Св. Кирил и Методиј“ (УКИМ)
– Анисија Угриновска, Организација за дијалог и афирмација на средношколците (ОДАС)
– Славчо Темелковски, Претседател на Универзитетско студентско собрание на УКИМ (УСС УКИМ)
– Претставник од Министерство за образование и наука (TBC)
Настанот е од отворен тип и на истиот се очекува да присуствуваат млади лица. Сите заинтересирани страни се повикани да го пополнат формуларот за регистрација достапен на линкот: https://forms.office.com/e/5r5zpdBbjc
Настанот е организиран од Фондација Метаморфозис во синергија со проектот „Зголемување на граѓанското учество во Дигиталната агенда – ICEDA” кој е кофинансиран од Европската Унија, и проектот „Веродостојни вести за оспособена младина“ финансиран од Британската амбасада во Скопје.

Сподели: