NetSquared Balkans (Фондацијата Метаморфозис) го организираше првиот meet up “Влијанието на технологиите во новинарството” посветена на НВО претставници и новинари, на 27.12.2016, вторник.
Овој meet up имаше за цел да ги презентира сите теми кои беа најавени за 12та конференција “Е-Society”, која ќе се одржи во месец јануари 2017 година во организација на Фондацијата Метаморфозис, и да ги разгледа сите можности за додавање на потребни теми или работилници кои беа предложени од страна на учесниците кои присуствуваа на овој meet up.
Темите кои беа презентирани на оваа неформална средба беа:
– Алатки за анализирање на податоци и визуелизација како: Tableau, Infogr.am, Piktochart, TimelineJS
– Влијанието на социјалните медиуми во Македонија – презентација на добри и лоши практики
– Користењето на отворени податоци за новинарство базирано на факти
– Промоција на апликацијата “времеплов”, за архивирање на медиумски содржини
Исто така беа презентирани и можностите кои ги нуди TechSoup Balkans за невладините организации, кои сакаат да добијат донација на алатките за визуелизација како што е алатката на донаторот Tableau. На овој meet up присуствуваа 11 претставници на медиумите и невладиниот сектор.
Сподели:
