Регионален повик за доставување понуди за изработка на видеа 

Ажурирано: Регионалниот повик за доставување понуди за изработка на видеа  се продолжува до 31-ви декември, 23:59.

Фондација Метаморфозис објавува Регионален повик за доставување понуди за изработка на 3 видеа како дел од активностите поврзани со мапирање дезинформации и пропаганда во регионот на Западен Балкан.

Во рамки на овој повик, ќе се избере понудувач кој во периодот јануари 2023 година – март 2025 година ќе биде одговорен за изработка на  
– 2 едукативни видеа (во времетраење 10-15 минути) и
– 1 документарно видео (во времетраење 30-45 минути).

Право да се пријават на овој повик имаат правни и физички лица кои нудат услуги од областа на продуцирање видеа. Физичките лица можат да се пријават и во групи од максимум 4 лица.

Понудувачот треба да ги исполнува следниве минимални услови:
– Да располага со соодветни технички и човечки капацитети за навремено, целосно и квалитетно спроведување на активностите кои се предмет на набавката и
– Да има претходно релевантно искуство во подготовка на видеа (минимум 3 години искуство во конкретната дејност) и да достави портфолио со досега сработени проекти (листа со линкови кои водат до продуцираните видеа).

Начин на аплицирање: испраќање на
– Кратки професионални биографии на лицето/лицата кои ќе бидат ангажирани за спроведување на активностите што се предмет на договорот;
– Финансиска понуда според образецот даден во Прилог 1 (составен дел од Повикот);
– Портфолио од претходни слични ангажмани во последните 3 години кое ќе содржи и контакт-податоци од нарачателите кои може да бидат контактирани за да го споделат искуството од соработката.
– Потпишана изјава за исполнување на условите, дадена во Прилог 2 (составен дел од Повикот)
на info@metamorphosis.org.mk, најдоцна до 21.12.2022.

Детали за Повикот и образците за аплицирање:
– Регионален повик за доставување понуди за изработка на видеа
– Прилог 1 – Образец за финансиска понуда
– Прилог 2 – Изјава

Фондацијата Метаморфозис го задржува правото да контактира само со избраните понуди. Со испраќање на вашата кратка биографија (CV) се согласувате вашите лични податоци да се обработуваат и зачуваат за потребите на проектот во рамки на кој се спроведува овој Повик, а со цел спроведување на активностите во рамки на проектот.

Фото: Sam McGhee на Unsplash

Сподели: