Monitorimi dhe hartëzimi i rrjedhës së përmbajtjeve mediatike ndërmjet vendeve në rajonin e Ballkanit Perëndimor është thelbësor për të kuptuar se si dezinformimi me origjinë nga faktorë të jashtëm përhapet kaq lirshëm përtej kufijve të vendeve.
Për të identifikuar tendencat në raportimin e mediave, si dhe tendencat kryesore të dezinformimit në lidhje me ndikimet malinje në vendet e Ballkanit Perëndimor, në kuadër të këtij raporti është kryer monitorimi i mediave vendase të Maqedonisë së Veriut, Shqipërisë, Kosovës, Serbisë, Malit të Zi dhe Bosnje dhe Hercegovinës për periudhën nga janari i vitit 2022 deri në qershor të vitit 2022.
Për të përcaktuar tendencat kryesore të dezinformimit, ne analizuam më shumë se 1.000 artikuj dezinformues, disa prej tyre përmbajnë dezinformata në lidhje me ndikimet e huaja në vendet e përmendura, e disa iu nënshtruan verifikimit të fakteve dhe artikuj analitikë nga shërbimet e verifikimit të fakteve në vendet e Ballkanit Perëndimor.
