Ky raport bazohet në një proces të vazhdueshëm të monitorimit të mediave vendase në Maqedoninë e Veriut, Shqipëri, Kosovë, Serbi, Mal të Zi dhe Bosnje dhe Hercegovinë të kryer në kuadër të projektit rajonal – Qendra Kundër Dezinformimit e Ballkanit Perëndimor: Ekspozimi i ndikimeve keqdashëse përmes gazetarisë mbikëqyrëse. Ai paraqet një përmbledhje të tendencave dhe narrativeve të dezinformimit, shpërndarjes së tyre ndërmjet vendeve dhe burimet e tyre për periudhën korrik-dhjetor 2022.
Gjatë periudhës së monitorimit, tema më e shpeshtë e dezinformatave në të gjitha vendet e Ballkanit Perëndimor ishte “Lufta ruse në Ukrainë”. Narrativet varionin, por kishin prirje të paraqisnin një pamje negative të Ukrainës si një vend neonazist dhe përfitues nga lufta që shet ndihma ushtarake që vendet e tjera ia dhurojnë. Tema e dytë më e shpeshtë ishte “Perëndimi është përgjegjës për luftën”, që do të thotë “Lufta në të vërtetë zhvillohet midis SHBA-së dhe Rusisë”, krahas narrativit se “zgjerimi i NATO-s është fajtor për agresionin e Rusisë”.