Фондацијата Метаморфозис на 25 декември одржа Open Data Meetup заедно со учесниците на
Обуката за новинарство базирано на податоци, како и учесниците на
We Can Code, настан кој се одржа за време на Европската недела на кодирање. Целта на собирот беше новинарите и компјутерските инжинери од Македонија да разговараат за можностите за соработка, особено кога се во прашање изборните податоци.
![DON_0853](http://metamorphosis.org.mk/wp-content/uploads/2016/01/DON_0853-1024x680.jpg)
Неформалната средба се одржа во просториите на Јавна соба во Скопје од 18 до 20 часот. Во првиот час беа презентирани основите на отворените податоци и Data pipeline-от, за потоа учесниците да бидат поделени во три групи кои работеа на свои идеи за проекти поврзани со изборни податоци.
![DON_0888](http://metamorphosis.org.mk/wp-content/uploads/2016/01/DON_0888-1024x680.jpg)
Проектот го спроведува Фондацијата Метаморфозис во соработка со Open Knowledge Foundation, а со поддршка од
Британската амбасада во Скопје. Целта на проектот е преку формирање на
Школа за податоци – Македонија да ги поттикне граѓанските организации, медиумите и индивидуите кои поттикнуваат промени, да ги разберат и користат официјалните владини и другите отворени податоци со цел зголемување на одговорноста на владата, подобрување на испораката и услугите и зголемување на граѓанското учество во креирањето на политиките.