Покана за конференција „Заштита на приватноста во дигиталната ера: во потрага по заеднички решенија“

16.10.2023

Во фокусот

Почитувани,

Со задоволство ве покануваме да бидете дел од конференцијата „Заштита на приватноста во дигиталната ера: во потрага по заеднички решенија“ што ќе се одржи в четврток, на 19.10.2023 година, во хотелот „Арка“ во Скопје, со почеток во 10 часот. Конференцијата ја организираме со поддршка од Европската Унија, во рамките на проектот „Техничка и интегрирана заштита на личните податоци – градење инклузивен дигитален екосистем“, спроведуван од Фондација Метаморфозис и Здружение Конект.

Учесниците на конференцијата ќе имаат можност да дискутираат и да дознаат нешто повеќе околу заштитата на дигиталните права и активностите на различните чинители насочени кон поголема промоција и развивање на капацитетите за заштита на приватноста и на другите човекови права на интернет. Покрај тоа, на конференцијата ќе бидат споделени и искуствата на офицерите за заштита на лични податоци што беа дел од проектните активности. Целата агенда за конференцијата можете да ја најдете на овој линк.

Работни јазици на конференцијата ќе бидат македонски, албански и англиски јазик и ќе биде обезбеден симултан превод.

Секој што сака да се вклучи е повеќе од добредојден. Учеството не се наплаќа, но бројот на учесници е ограничен и ги замолуваме сите што сакаат да бидат дел од неа, да го пополнат формуларот достапен на овој линк: Формулар за пријава.

За учесниците што доаѓаат надвор од Скопје, патните трошоци за учество на настанот ќе ги покрие Фондација Метаморфозис. За да можеме да ги рефундираме средствата, ќе биде потребно да ни ги доставите оригиналните сметки и билети од патувањето.

Известување за приватност: Настанот ќе биде сниман, а снимката ќе биде прикачена на Јутјуб-каналот на Фондација Метаморфозис по завршување на настанот, споделена на веб-страниците и на социјалните мрежи на проектните партнери и споделена со донаторот за целите на проектно известување. На настанот исто така ќе бидат направени и фотографии, кои ќе бидат споделени на веб-страниците и на социјалните мрежи на проектните партнери, а ќе бидат доставени и до донаторот за целите на проектно известување.

Ги очекуваме вашите пријави!

Сподели:

mediumski-item-img-1.png

Индекс на отвореност: Во тек е осмиот бран на мерењe на отвореноста на извршната и законодавната власт

Мрежата ACTION SEE – Мрежа за Одговорност, Технологија и Институционална Отвореност во Југоисточна Европа со поддршка на Национален фонд за демократија преку проектот Using New Media to Promote Government Transparency, го започна осмиот бран на мерења на отвореноста на извршната и законодавната власт во четири земји од регионот (Босна и Херцеговина, Северна Македонија, Србија и […]

mediumski-item-img-1.png

Зборник „Манипулирање на јавниот дискурс: дезинформации и пропаганда“

Зборник „Манипулирање на јавниот дискурс: дезинформации и пропаганда“ Зборникот „Манипулирање на јавниот дискурс: дезинформации и пропаганда“ е важна компилација за сите што сакаат да го разберат сложеното поле на дезинформации, кои во последните години се размножуваат со голема брзина. На едно место Фондацијата Метаморфозис објавува низа текстови, статии за проверка на факти, анализи и прегледи, […]

mediumski-item-img-1.png

Анализа на E-услугите во општините во Република Северна Македонија 2023

Анализа на E-услугите во општините во Република Северна Македонија 2023 Дигитализацијата и дигиталните технологии драстично го менуваат начинот на кој живееме, работиме и комуницираме со светот околу нас. Ова е особено точно во областа на јавните услуги, каде што дигиталните владини услуги (услугите на е-влада) сè повеќе ги заменуваат традиционалните услуги засновани на хартија. Транзицијата […]